നിഴലിനോടു്

                    നിഴലിനോടു്

വേണ്ട കൂടെ വരേണ്ടെന്നെത്ര വട്ടം
പറഞ്ഞതല്ലേയെന്നിട്ടും വിട്ടു മാറാതെ
കൂടെയെന്തിനു വരുന്നു നീ , പിന്നെയും
ഏകനായി തീർക്കട്ടെയീ തീർത്ഥയാത്ര

എന്തിനിത്രയുമക്ഷമ കൂട്ടുകാരാ, വേറെ -
യാരു കൂടെയുണ്ടവസാന യാത്ര വരെ
വിട്ടു പിരിയാതെ ചാരെ ചേർന്നെത്തും

ഞാൻ , നിൻ നിഴലല്ലോയുറ്റ തോഴനും

ഇല്ല വേണ്ട നീയുമെനിക്കു കൂട്ടായി
നിഴലേ , ഒരു ദശാസന്ധിയിൽ
ഒറ്റയ്ക്കാക്കി നീയുമെന്നെ വിട്ടു പിരി -
ഞ്ഞു , നിന്റെ വഴിയെ പോകുമല്ലോ
നന്ദി നിഴലേയെന്നെ വിട്ടു പോകൂ, നീ .