ഒരു വിവാഹ ഉടമ്പടി

പിതാവേ മകനെയെനിക്കു
പരിണയിച്ചുതരുക, നമുക്കു
വിപ്രലംഭ ശൃംഗരാത്തിന്റെ
നിഗൂഢതകളിലൂടെ , രസാനൂ
ഭൂതികളുടെ മായിക ഗുഹകളി
ലൂടെ സുദീർഘമനവദ്യമാം
സ്വപ്ന സഞ്ചാരങ്ങൾ നടത്തി
നിർവൃതിയൂടെ വിഹായസ്സു്
വപുസ്സു കൊണ്ടു തൊട്ടറിയാം .

പിതാവിന്റെ പ്രായമുള്ള
കാമുകന്റെ പിതാവേ
ഈ തല്പം ഒരു പൂർച്ചകാല
രതി പരിചയത്തിന്റെ
ബോധ തലത്തെ തേടുവാൻ ,

ശേഷിച്ച കാലത്തു പുത്രനു
കനിഞ്ഞു നല്കാൻ നിവേദ്യം
അനുഭവ സമ്പത്തുകളായി
അങ്ങയിൽ നിന്നുമാവോളം
പകർന്നെടുക്കാൻ, പിതാവേ
ഇതായെന്റെ മഞ്ജുശയ്യ .