സുന്ദരി

അലസഗമനം വിലോലം
അർദ്ധനിമീലമാം നേത്രങ്ങൾ
സംപുഷ്ടം,ആസക്തികളാൽ
ചിന്താ ധാരയോയുഷ്ണ സമേതം
രതികാമനകൾ സമ്മേളിതം
കുടമണി പോൽ കിലുങ്ങും
കങ്കണങ്ങളുമായരികിലേക്കു
കപോലത്തിനു മുറിവേകാൻ
കല്ലു പതിച്ച മൂക്കുത്തിയുമായി
ഉതിരും നിശ്വാസധാരയിൽ
എന്തോ പറഞ്ഞു ചായും
നിശാ വസ്ത്രത്തിലുണ്ടെൻ
അതിസുന്ദരി , പൂനിലാവേ .

ഇന്ദ്രജാലം

നിലാവൊരു ശയ്യയാകുന്നു
രാത്രിയൊരു കംബളമാകുന്നു
കിനാവോ തെന്നലാകുന്നു
കണ്ണുകളെ പൂക്കളാക്കി
ചൊടികളെ തളിരുകളാക്കി
വിസ്മയിപ്പിക്കട്ടെ
നിന്നെ ഞാനെന്നിന്ദ്രിയങ്ങളുടെ
ഇന്ദ്രജാലത്താൽ .